Follow by Email

Saturday, February 6, 2016

කයි

දත් කුට්ටමේ වර්ණය මුතුපැහැ වෙන්න...
කකියන දතේ නහරය සංසිඳුවන්න..
ලස්සන හිනාවෙං කොල්ලං රවටන්න..
අහවල් ඩයිං දංතාලේපය ගන්න..


අසුවල් රටේ විද්‍යාගාරෙක ඉන්න..
ඉහළම දන්ත දොස්තර මහතා කියන ...
දොස්තර නලාවක් කරලාගෙන ඉන්න..
ලෝගුව ඇඳපු මිනිහා කියනව ඔන්න..


කොන්ඩෙට මෙකී ෂැම්පුව ගල්වාලන්න...
යාලුව එක්ක බක්කියෙ නැගලා යන්න...
අයියා කියන ශොට් එහෙකට රෙඩි වෙන්න..
කොන්ඩෙට කිසිම අවුලක් වෙන්නෑ ඔන්න..


ලනුවක් ඇරං ගැටෙයක් ගහගන්න බැරී..
බාලදක්ෂ පුත්තරයෙකි මොට්ට මරී..
පිටි හැඳි දෙකින් උගෙ නුවණැස් දෙකම ඇරී..
ගහලා ගැටය මිතුරෙකුවත් ගොඩට අදී..


එක කිරි පැකැට්ටුව දියකර ගඟක් වැනී..
නැංදම්මත් එක්ක නිවසට කඩාපැනී..
අසූ කෙලක් ගැහැණුං හට බොන්න දෙතී..
නුවනක්කාර ඇත්තෝ *ත්තිම ගනිතී..


කෙල්ලං කැලක් බැහැලා ඇත මහපාරේ..
නටවයි උකුලු තුනටිය වට කොස්ගෙඩි සේ..
තැඹිලි පාට බීමක් බී ෆන් රසයේ..
ඒ නංගිලා හැමටම ඇත පැඟිරි විසේ..


අයියේ ගාල්ලෙදි මට ඇහැරන්න කියා..
ලස්සන නංගියෙක් බස්සෙකෙ දොයිය බබා..
නංගිට ක්‍රැකර් බිස්කට් අරගන්න කිය..
ලංගම බස්සෙකක් ආපසු ගාලු ගියා..


චක චක චකච චක චක චක චකච චක..
ඊළඟ කොටස නරඹන්නට ඕනැ ඔබ..
තව කුණු ටිකක් නරඹන්නට ඉතුරු ඇත..
Stay tuned වී ඉන්නට කියනු ඇත..


දත්කලු අයිය කෙනෙකුන් නැග බස් රථයේ..
හැස්සොරිජිනල් එක කිං හුළඟක් හැමුවේ..
මොකදැයි කියා පුප්පපු කෙලි වෙස් පෙරලේ..
කෝල් මී කියා අංකය උට පිදුවේ..


කොතරම් ට්‍රයිකලත් කෙල්ලක් නැත ලැබුනේ..
ඒකයි සැරැති නූඩස් කන්නට හිතුවේ..
කෙල්ලන් කැමති විදිහේ කොල්ලෙක් මතුවේ..
දයියා පොරක් කියලයි ඔහු නම ලැබුවේ..


සුදු පැහැ මැදැති ඉස්කෝතුව මුව ළඟය..
නෑනට බැඳුන කොලුවා දැන් දොරළඟය..
ඒ දෙස බලන්නේ කෑදරකමකටය..
නෑනට නොවෙයි නෑනා කන කෑමටය...


වතුර ටිකක් බොන්නටවත් නිවන නැත...
එකපිට එකම යන හයරය ඉවර නැත..
දියුණු වෙන හැවොම යන්නේ එතැනටය..
එතැනට කියන්නේ ඇල්සී ඇල්ලෝය..


දඩමස් තියෙනවැයි පොලිසිය ඔත්තු බලා..
පැල්කොටයකට පැනලා ගෙය චෙක්කරලා..
ලොකු ගෝනියක් ගෙතුලින් ගෙනැවිත් හලලා..
බැලුවම තිබේ සෝයා දඩයම් බට්ටා..


වාසිම පැකේජය ඉන්ටර්නැට් යන්න..
රුපියල් අනූ පහකට අපගෙන් ගන්න..
මහරෑ දොලහ වෙනකං ඇහැරං ඉන්න..
පෙරවරු හයට පෙර ජීබී තුන ගන්න..


බලනා අයගෙ ඉල්ලීමට කන් යොමලා...
දියණිය කියන ටෙලියක් යළි මුල ඉඳලා..
සති අන්තයේ හවහට පෙන්වයි කියලා..
මතකෙට නගනවා අමතක වෙයි කියලා..


තවමත් ඇඩ්ද පෙන්නන්නේ ටීවියෙකේ..
ඊළඟ කොටස තව දැම්මේ නැද්ද අනේ..
ආපහු පටං ගත්තොත් මට කියනු මැනේ..
කුස්සිය දෙසින් ඇගෙ නාදය කනට ඇසේ..


සූරිය එකේ ටෙලි පෙරහැර බලන ඔයා..
සොයමින් ජනේලෙං සාලෙට එබිල බලා..
පහලොස් දහක් මිට මොලවාගන්න කියා..
ටෙලි පෙරහැරම බැලුවොත් නං සල්ලි තමා..


කොන්ඩය වවපු කුඩ්ඩෙක් වගෙ කෙනෙක් එයා..
වයමින් ගිටාරය ගොරහැඬි නදින් ගයා..
අලුතින් ගෙනා දෙල්ලැට්ටොප් ටිකක් ගෙවා..
‘ගායක‘ එකෙං අරගන්නැයි කියල ගියා..


බෝලෙට ගත්තු කමිසයෙ මඩ යවා දෙතී..
ගෑවුන ග්‍රීස් පැල්ලං එලවා දමතී..
ළමයින් මඩේ නටමින් සෙල්ලං කරතී..
පැල්ලං සරප් එක්සෙල් එක බලා ගනී..


ටක ටක ටකට ටක ටක ටක ටක ටාටා..
රැදී සිටීමට ඔබ හට තුති වේවා..
මීළඟ කොටස බැලුමට ඔබ සැරසේවා..
ටක ටක ටකට ටක ටක ටක ටක ටාටා..


මං මේ කොටහ බලලා එනකං පැටියෝ..
ලිප උඩ හොද්ද හැඳිගෑමට හැකි නේදෝ..
හිඳුනොත් හොද්ද මිටිකිරි ටික දාගන්නෝ..
මං ඇවිදින්ම හොද්දට තෙල්ටික දානෝ...


ඇගෙ ඉල්ලුමට පිටුපා මෙහි වසන්නද?
බුකියේ නෙට්ටෙකේ ඇති රස විඳින්නද?
නව නළු රසය ඇති සුන්දර මනෝහර
ඇඩ් මිස නාටකේ මොනවා බලන්නද?


සැයු:- කොම්පීටර් අබලං වීමෙන් ඇතිවූ ප්‍රමාද දෝෂය නිසා ටැලිපෝනයෙන් කොටන ලදී. 


89 comments:

  1. ඔය විසූක දස්සන බලන්ට වෙන්නෙ නැති එක උඹේ කයි පෙල රස වින්දනයට ලොකු බාදාවක්...:(

    ReplyDelete
    Replies
    1. This comment has been removed by the author.

      Delete
    2. වලවෙට්ටුවෝ හොයමින් යන්නට සිතියං
      ඩීඩි බොටල්, සැවුලානන් ඔහෙ තිබියං
      අනන්‍ය සමගින් නිල් කට්රොල් පිපියං
      ගුරුවරි සමග දිගටම යන්නට ලැබියං

      Delete
    3. ඔක්කොම කුණුත් අර බොක්කට කිව්වාහේ,
      මේ *** තාට මං නැතුවම බැරුවානේ,
      කිරිගංගාද හෝදන කුඩු තිබුනාවේ,
      එනි වෙඩිමක් මං ඇරලා කෙරුනාවේ,

      Delete
    4. බෝතල්, සැවුලො, කෙල්ලන් සහ ආච්චිලා..
      වීරසිංහ උන්නැහැ හට පටලැවිලා...
      වයසට යද්දි කාටත් ඔහොමයි කියලා...
      ලියනා දෙයිං අපි සැනසෙමු පව් කියලා..

      Delete
  2. පහුගිය මාසේම ලංකාවට වී ඔය කියන ටික ඇසුවෙමි සමහරක් දැක්කෙමි.පිස්සු ඩබල්වී ආයෙත් ඩබල් විය.

    ReplyDelete
    Replies
    1. පිස්සු ඩබල් වී ආයෙත් ඩබල් වුන..
      හතර වරක් පිස්සුව ඔබ හට හැදුන..
      දවසට දෙතුන් වරකට වැඩියෙන් බලන..
      අපහට පිස්සු කොපමන තිබෙනව ඇතිද?..

      Delete
  3. ආ කියන්න අමතක වුනා .ඔය ඩයිං සාම්පලයක්ද නොමිලයේ ලැබුනි.හැබැයි දත් දොස්තර නෝනාද එය වර්නනා කලාය.

    ReplyDelete
    Replies
    1. නිකන් ලැබෙන හිංදද ඒ ගුණ වරුනා..
      නැත්තං ඇත්ත ගුණයක් තිබුනද මංදා..
      කොහොමත් අනේ නිවසේ ඉන්නා උන්දා..
      කොතනත් ඉතිං දත් දොස්තර කෙනෙකු තමා..

      Delete
  4. This comment has been removed by the author.

    ReplyDelete
    Replies
    1. ලියන්නට ගියපු දෙපදය වැරදුනිද?...
      සකියනි මේක මකලා දැමුවේ මොකද?..

      Delete
    2. ලියන්න ගියපු දෙපදයෙ එලිසම වැරදී
      මොඩිෆයි කරපු එක ශ්‍රංගයො පහළ ඇතී

      Delete
  5. ටෙලියට වඩා ඇඩ් ටික අපහට පෙන්නා
    අපගේ ඉවසීම උදෙසා වැඩ කරනා
    මේ වන් ටෙලිවිසොං චැනලයො පච බෙදනා
    දෙවියන් රැක දේය සීනිය ගම වෙසෙනා

    ReplyDelete
    Replies
    1. ඇඩ්නම් කේක් වෙයි ටෙලියෙන් අයිසිංය...
      එනමුත් අගුන වැඩියෙන් අයිසිං වලය..
      එබැවින් මහත්වරු නෝනාවරු නිබඳ...
      ටෙලි නොබලනුය ඇඩ් පමණක් නරඹනුය..

      Delete
  6. //
    එක කිරි පැකැට්ටුව දියකර ගඟක් වැනී..
    නැංදම්මත් එක්ක නිවසට කඩාපැනී..
    අසූ කෙලක් ගැහැණුං හට බොන්න දෙතී..
    නුවනක්කාර ඇත්තෝ *ත්තිම ගනිතී..//

    මේන්න මේකට හිනාව නවතාගන්නට බැරිවුණි
    නියමයි ශ්‍රංගයො ඇඩ්ටික එකින් එකට මැවී පෙනුණි!

    ReplyDelete
    Replies
    1. ඇඩ්ටික මැවිමැවී පෙනෙනා බව කියතී..
      එබැවින් පුරස්නය විමසමි සකි කැමතී...
      ටෙලියට වඩා ඇඩ් මතකෙට නැගෙනු ඇතී..
      නිර්මාණයෙන් ඇඩ් ඉහලින් නොවෙද සකී?..

      Delete
    2. කතාව යන්නෙ පැය බාගේ නම් පිනැතී(පින්වත)
      ඇඩ් ටික යන්නෙ පැය බාගෙවා දෙගුණයකී
      ඇඩ් එක කතාවම වී බලහැකි ලඟදී
      කතාව ඇඩ් එක වෙනුවට යවනු ඇතී

      Delete
  7. ඇඩ් ටික බලා හොද්දට කිරි දමාපං
    නැත්තං උඹට කන්නට වෙයි මඩු වලිගෙං
    ටෙලි බලලා වැඩකට නෑ සුරං දැන්
    මේවගෙ කවි ටිකක් තව තව ලියාපං

    ReplyDelete
    Replies
    1. හොද්දට කිරිද ලුණු ඇඹුලට රස පදම..
      ඔක්කොම හොඳට දන්නෙමි මම ඇති තරම..
      හොද්දට බතට යටවුනු විට මගෙ කටම...
      බඩ පිරුනහම කවිපද ලියනුව කොහොම..

      Delete
  8. උඹේ කොමා ඉක්මනටම වැඩ කරපං
    නැත්තං අපිට නැතිවෙනවා හෑලි යාං
    එහෙම උනොත් ආතල් එක අපිට නතිං
    කොමෙන්ට් කොරන්නේ මක්කෙයි මෙතන හිටං

    ReplyDelete
    Replies
    1. තව තව ලියන්නට මේ වැනි පද කෑලී..
      පරිගණකයට ආයුෂ වැඩිකර ඕනී..
      වැඳලා දොහොත් නගලා අම්මා කාලී..
      ඉල්ලා සිටිමි පරිගණකය රැකදේවී..

      Delete
  9. එක ඇඩ් එකට හැටදාහක් අපේ පොතේ
    උඹලා නොබැලුවත් එය යන්නේ නැහැ අපතේ
    හොඳ සංඛාත කුණු කොල්ලෙට අපේ අතේ
    හිටියත් නැතත් රජතුම අපෙ අපි සුවසේ

    ReplyDelete
    Replies
    1. හැට දහසකට ඇඩ් පෙන්වන මනාවන්..
      මහමැති ඉයන් මැතිඳුන් වාසනාවන්..
      රජතුම කෙසේවුව කුමරුනි සිනාසෙන්..
      නව ඇඩ් එකක් මට බැලුමට හදාපන්..

      Delete
  10. ඩයිං දාල දත්ටික හොඳටම මැදපං
    *ත්ති දියකරල නැන්දට බොන්න දියං
    නෑනා කන කෑම තව උඹටත් ලැබියං
    Stay tuned වී අපිටත් ඉන්න දියං

    * වෙනුවට අනවශ්‍ය අකුරු ආදේශ නොකරන්න. හැක්..

    ReplyDelete
    Replies
    1. ‘සංඥා‘ දමාලයි දට්ටික මදින්නේ..
      කහටයි නුඹට දියකරලා පොවන්නේ..
      නෑනා කාපු කෑමෙන් දෙන්නෙක් ඉන්නේ..
      ටියුන් වෙලා ඉන්නට තව කල් වැඩිනේ..

      Delete
  11. අපේ සයිමොන් ආතා දෙකක් දාගෙන කුබුරෙ වැටි වැටි නියරවල් මඩ තියනකොට කියන්නෙ.....


    කයි කයි කයි පොල්කුඩු කයි
    නැන්දා මාම හොදට **** කයි

    ReplyDelete
    Replies
    1. ඇයි ඇයි ඇයි මෝදකයයි..
      බීමට වැඩියෙන් කදිමයි..

      Delete
  12. ඔය කුණුහබ්බ නාට්‍ය දැක්කම ලාම්පුතෙල් වැදිච්ච ගැරඬියා වගේ මාරුවෙන නිසා මට ඕවා බලන්න වෙන්නේ නැතිම තරම්...
    දැක්කත් දකින්නේ පොඩි එකා කාටුන් බලද්දී යන ඉන්දියන් මරාල... ;(

    මොනා උනත් කයි පද ටික නියමයි මචං...

    ReplyDelete
    Replies
    1. ටෙලිනාටකය නොබලන එක හොඳ වැඩකී..
      එනමුත් කාටුනය බලනා එක හොඳකි..
      ස්කුබි ඩූ සමග ගාෆිල්ඩ් එක දෙකකි..
      පොඩි අයටත් වඩා කාටුන් අපට වටී..

      Delete
    2. මාත් කාටුන් රසිකයෙක්මි
      පහුවෙලා මේ පැත්තෙ ආමි
      (ඉතුරු පද දෙක පුරවන එකාට මං දෙනව මොකක් හරි තෑග්ගක්)

      Delete
    3. ඉතුරැ දෙප දේ පි රෙව් වෝතින්
      දෙනවා ඇ තෙක් බරට තෑගී

      Delete
  13. මල් මසුරං සුරංගයො.. හිහි
    මං මේ බැලුවෙ මං ඔය නාට්ටි බලන්නැතුවත් කෝමද ඔය ඇඩ් වල කියන ඒව තේරුනේ කියල..
    පස්සෙනෙ මතක් වුනේ කාටුං බලනව නෙ කියල හිහි...

    සෝචනීයයි සුගායනීයයි..
    ඇත්තටම අර දත් දොස්තර ඇයි වෙද නලාවක් කරේ දාං ඉන්නෙ

    ReplyDelete
    Replies
    1. ඇයි බං ඒකවත් දන්නැද්ද? ඒ දත් පණුවංගෙ හාට් බීට් එක බලන්නනෙ.

      Delete
    2. දත්වුව, පශු වුවද දොස්තර දොස්තරෙකි...
      දොස්තර වෙන්න නලාව සංකේතයකි..
      නිවටුන් රවට්ටන්නට කල කැත වැඩකී..
      කාටුන් බලන ඔබ මං වාගෙම කෙනෙකී..

      Delete
  14. අම්මපා මං මෙච්චර දවස් හිතන් හිටියෙ නලාව දාගෙන ඉන්න දොස්තර මහත්තයා ගෑණු කට්ටිය විතරක් ඉන්න ගෙවල් වල ටොයිලට් වලටයි ළමයින්ගෙ දත්වලටයි බඩේ අමාරුවලටයි කුරුලෑ වලටයි දෙන්නෙ එකම බේත කියලා. අනේ මන්දා ඒ දොස්තර මහත්තයා කියන මෙලෝ දෙයක් තේරෙන්නෙ නෑ. හඬ කවන කෙනා පහු වෙනවා. දොස්තර මහත්තයගෙ කට ඉස්සර වෙනවා. ඊට වඩා කොච්චර ෂෝක්ද අනේ කාාාටුන් එකක් බැලුවම. මාෂා සහ බෙයාර් හරි ෂෝයි අනේ... නෑ ඊට වඩා මේ කයි ටික ෂෝ....යියියියි.

    ReplyDelete
    Replies
    1. කාටුන් බලන හෙන පිරිසක් මෙහි සිටිතී...
      කාටුන් බලන සංගමයක් හදත හැකී..
      සූර පප්ප, ටිං ටිං සහ තව වැලකී...
      සිංහල හඬකැවුම මෙව්වයෙ එළ කිරෙකී...

      Delete
    2. කැලේ මැද ගමක්‌ තියනවා
      එහි පප්පලා රැනක්‌ ඉන්නවා
      ගමට පප්පාගම කියනවා
      ඒ පප්පලා ජොලිවැඩ කරනවා

      වෙද පප්පා අරිශ්ටෙ හදනවා
      හරි ලොකුබලයක්‌ එහිතියනවා
      ගමේ හැමොටම පොවනවා
      පව් ජිම්පප්පව මග හරිනවා

      [හරි හරේ අරිට්‌ටේ නවලා දෙන්න]

      අරිශ්ටෙ ඉල්ලලා ජරමරෙ
      ජිම්පප්පගෙනුත් හරි බරබරේ
      ගැහැණු ළමයිට කරදරේ
      අර චුටිකුකුටයි ආදරේ.... තාම රහයි අප්පා...

      Delete
    3. පොඩිඋං උවත් ලොකු උන් හෝ නාකි උවත්
      කාටූනයක ඇති රස නැත සදා නිමක්
      ටයි මාමා ඒකට හොඳ උපහැරනක්
      දොස්තර හොඳ හිතය ගලිවර සුවිසැරියක්

      Delete
    4. ඉස්සර වගේ හඬකැවුමට උපන් හපන්..
      වෙනයම් චැනලයක් තිබෙයිද කියන් බලන්..
      අපහට වදින එළකිරි වැනි රුවන් වදන්..
      සිරසෙන් පමනි සිරසෙහි කාටුන්ම බලන්..

      Delete
    5. ඒ කතාව නං පට්ටම ඇත්තක‍්ය
      සූර පප්ප සහ ටිං ටිං මසුරං ය
      කවුද බෝයියත් තනිකර ආතල් ය
      ඒකට මුලා ගාමින්ද අපේ පැත්තේය

      Delete
  15. අම්මට හුඩු..උඹ ෆෝන් කට්ටෙන් මෙච්චර හරියාක් කලාද බන්...
    -------

    පට පට පට්ට පට පට පට පට පට්ට..
    උඹේ කවි ලියවිල්ල නම් වල්ලා පට්ට.

    ReplyDelete
    Replies
    1. නිවිහැනහිල්ලෙ ඉන්නාවිට සට පට ගා...
      ටෙලපනුවෙන්ම පදයක් දෙකකුත් කොටලා..
      අන්තිම කොටස කොම්පීටරයෙන් දමලා..
      සතියක් යන්න මත්තෙන් පබ්ලිස් කෙරුවා..

      Delete
  16. ඔය ඇඩ් බලන එකත් හොඳ විනෝදජනකයි තමා . මේ යාං කවි වෙන්ටෑ.

    ReplyDelete
    Replies
    1. සුරංගයා වගේ කයියෙන් ඇඩ් දැම්මනම් මාත් හැමදාම ටීවී බලනවා.

      Delete
    2. අජිත් මහත්තැං කියනා හිංද හිටං...
      මින්මතු මෙවන් එව්වා වෙයි කවිය යාං..
      කවියෙං ලියල දෙන්නද ඇඩ් සිංහ මචං..
      හොද්දට කිරිටිකක් දාලා එන්ඩ හිටිං..

      Delete
    3. යාං හෑල්ලෙන් පාරක් හැදු සුරන්ගයා
      යාං කවිය පාලම් ලෙස දමන යකා
      හෙටානිද්ද මූ මොකාට එයිද නියා
      ඔන්න බොලේ යායෙන් මම පැනල ගියා

      Delete
  17. Replies
    1. මංමේ හිතා උන්නේ අද දවස ඇර...
      මේ ගැන කියල ඊමේලක් දමන්නට..
      ඊටත් කලින් ඇහැ ගැටිලා තිබෙන කල..
      පිංසිදු වෙන්න ඕනෑ ඔබ තුමන් හට..

      Delete
    2. මේවගේ කව් පෙළක් ඇස ගැටුනාම
      එහෙමත් අරිනවද පල නොකරාම
      මේවා ලියා අපෙ ලේ හොඳ කරනවට
      පින්සිදු වෙන්න ඕනෑ ශ්රඟ තුමන් හට

      Delete
  18. මුල ඉදලා ඇඩ් ටික බලාගෙන ආවා. ඒත් කතාව බලන්න බැරිවුනා. මරු සුරංගයෝ කාලෙකින් බඩ අල්ලන් හිනා වුනා.කයියෙන් පිලිතුරු දෙන්න නම් මට හැකියාවක් නැත.

    ReplyDelete
    Replies
    1. කයියෙන් බැරි උනත් දන්නා බසින් ඇරන්..
      අදහස් දක්වලා තිබෙනා එකම බලන්..
      ඉක්කා හැදුනනං හිනැහී දෙකට නැමෙන්..
      බොනු දිය කොතලයක් එක හුස්මටම ඇරන්..

      Delete
  19. යන්තම් සන්තම් add වලින් බේරිලා ඉන්න රටපිට ඉන්න අපිවත් ඉන්ටර්නෙට් එකෙන් add පෙන්නන්නද උඹ මේ සැරසෙන්නේ..

    ReplyDelete
    Replies
    1. කම්මර වෙලා ඇති මුහුදේ සුලං වැදී..
      අල්ලා තිබෙන ගුස්තිද වලි සමග ගැටී..
      මුලු අම්බලං ගොඩමත් දන්නේය හැටී..
      නුඹ තම්බන්න හැකිවෙද ඇඩ්වලින් සකී..

      Delete
  20. Replies
    1. එළ යනු ගසේ පොත්තට ඇතුලෙන් එකය..
      එබැවින් කියමු එළ නොව මෙය නාරටිය..

      Delete
  21. මේ ඔක්කොමත් විසූක දස්සන අස්සේ
    නාට්ටියත් පෙන්නනවා හොර රහසේ

    ReplyDelete
    Replies
    1. ශ්‍රංගය දාලා එතකොට ලිප් බොක්කේ
      චූටි මැණිකෙ එය බලනව මැද සාලේ.

      Delete
    2. ඩක ඩක ඩකඩ නාදෙන් අඬබෙර ගහලා..
      තව ඇඩ් කෑලි දෙකකුත් අස්සෙන් ඔබලා..
      කුස්සියෙ ඉන්න උන්දැත් සාලෙට ඇදලා..
      ඒ ටික පෙන්නනව ඔක්කොම රැලී දාලා..

      Delete
  22. කයි පන්තිය නම් මල් මසුරන් ගොයියෝ...

    ඕකට එකම විසඳුම "පියෝ ටී වී"

    පියෝ ටී වී නැහ්නන් ඕනම අළුත් ටී වී එකක් පරණ ටී වී එකක්...

    ReplyDelete
    Replies
    1. ටයි පොල්ලක්ද ඇඳ රැවුලට කට් තියලා..
      අඩි දොලහක් ඉතර තිරයට අත තියලා..
      ඒ මදිවාට නක්කල් මදහස දමලා..
      ඔය බව කියන්නේ කට පත කල වැද්දා...

      Delete
    2. පියෝ ටී.වී. කියනා මේ වසංගතය කර ගහගෙන
      මං විඳිනා දහදුක ගැන කියන්නෙ නැ මං හැමටම
      1212 ට ඇමතුම් අරගෙන එකසිය ගානට
      දුක කිව්වත් උන් ඉන්නේ කිසිවක් සිදු නොවු ගානට...

      සල්ලි ගෙවා අමන මගුල් බලනා අප වැනි අය හට
      සිරා මාමෙ මුල ඉඳලා තලන්න මඩු වලිගෙන් හෙට....

      ටුකුටු ටුකුටු බූම්ම්ම්ම්...

      Delete
  23. හෑ...!!!!! වලාමේ..... ශ්‍රංගයත් කයියෙක් වෙලනෙ...

    පිනොදන්න කයි... හිටං...

    කයියක් කියන්නං තොට බල බල ඉන්න....
    කයියක් කියන්නං තොට බල බල ඉන්න...
    අඩෝ ශ්‍රංග...
    කයියක් කියන්නං තොට බල බල ඉන්න....
    ............................................................

    ReplyDelete
    Replies
    1. ඇස් පෝටර් හිටං පොඩ්ඩක් ඔහි ඉන්න..
      එතකං ඉතුරු පද සැට්ටෙක අමුනන්න..
      ඔබෙ මහ දිගැති කයියම පටවං යන්න..
      යන්නෙමි කුලී ලොරි රථයක් ගෙන එන්න..

      Delete
  24. ඇඩ් නම් බලපු කාලයක් මතක නැත ,උඹ ගෙ බ්‍රෑන්ඩ් නේම් ඵ කෙං චූටි මැනි කෙ ගෙ ප්‍රඩක්ෂන් ඵකක් නෙ මෙයි නෙ මේක

    ReplyDelete
    Replies
    1. ඈ හරි අකමැතිය කිසිවක් පබදින්ට..
      මේ කවි සියල්ලම ගැටගැහුවේ මමය..
      සැකයක් තිබේනම් සැක හැර දැනගන්ට..
      දෙන්නද ඇගේ දුරකතනයෙ නොම්බරය..

      Delete
  25. ඵල කිරි මල්ලි උඹ මල්ටි ටැලන්ට් පොරක් නෙ මම නිකමට ව ගේ හිතු වෙ මොකද ඉස්සර මම A/L කරන දවස්වල
    අ ටේ පංතිවල හිටපු ගෑල් ලම යෙක් ඵක්ක පොඩි හිතවත් කමක් තිබුන ඵ් අල්ල පනල් ලෙ ඵ් ලමය ලොකු ලම යෙක් වෙල ගෙදර නැවතිල හිටපු දවස්වල යාලු වෙක් ගෙ අ තේ පුලුස් කැප් කොල දෙකක් පි රෙන්න ලියුමක් ඵවල තිබුන තනිකරම කවි යෙං මට මේක දැක්කහම ඵ්ක මතක් උනා

    ReplyDelete
  26. ඇඞ්වල තියේන හොද මොකදැයි දැන් දනිමි
    යාන්හැල්ලක් ලියුමට හේතු වුනී
    වෙන හොද නැතත් ඒකට මම ගරු කරමී
    දිගුකල් දිනේවා හරයක් නැතත් වැඞී

    ReplyDelete
  27. This comment has been removed by the author.

    ReplyDelete
  28. සුරංගයා කයි කරුවෙක් වෙලා ඇතේ...
    ඇඩ් සීරුවට මඩුවලිගෙන් තලා ඇතේ...
    යාං හෑල්ලෙන් වටේට රස බෙදතේ...
    උඹනම් හරිම හපනෙකි බොල සුරන් පුතේ...

    ඇඩ් අස්සේ නාට්ටියක් පෙන්නාවී...
    ඔහොම බැලුවොතින් ටීවී ඇති වේවී...
    චූටි මැණිකෙගේ ආදරේ වැඩි වේවී...
    උඹත් ගනින් බං අනේ පියෝ ටීවී...

    කියුවට විස්වාස කරපන් මේ මම ජීවිතේට ලියපු මුල්ම කවිපද වෙන්ට ඕනැ.

    ජය වේවා !

    ReplyDelete
  29. කොට්ටා පැදුරු ගෙන....... දිග ඇදිලා සාලේ
    TV බැලූ හැටි මතකයි............ අපි බාලේ
    තාලේ වෙනස් වී වැඩ වෙන...... මේ කාලේ
    රස කවි මිසක ඇඩ් නෑ නොවැ බ්ලොග් රෝලේ..

    ඇඩ් ටික අනා අතුරා මත..... කවි පලස
    ශ්‍රංගා ඇවිත් ඇඳ....... අද පූරක විලස
    මොකවත් ලියන්නට හිත නැති.. හිත අලස
    හොලවා කවි දෙකක් ගලවා ඇත මෙලෙස.. :)

    ReplyDelete
  30. This comment has been removed by the author.

    ReplyDelete
  31. //ආපහු පටං ගත්තොත් මට කියනු මැනේ..// ෂුවර් ද මෙහෙමමයි අහන්නේ කියලා.... මචං හීනයක් ගැනද ලිව්වේ.......

    ReplyDelete
  32. සිරි ලක් දිවේ විතරක් නම් කමක් නැත
    සත් සමුදුරෙන් පිට සිටියත් නිමක් නැත
    ගෙදර උන්දැලා කොහෙවත් වෙනස් නැත
    කන්ගරුදෙශ්යෙත් බලනව සඟිස්කෘත

    ReplyDelete
  33. This comment has been removed by the author.

    ReplyDelete
  34. පුංචි කාලෙ උනු විත්තර ලියන එකා
    කයියක් ගොතා ගෙයි විස්තර කියනු සිතා
    ටීවී එකේ ඇඩ් ගැන ඇඩ් එකක් දමා
    මැව්වා සිනා සාගරයක් අපෙ ශ්‍රංගා

    ReplyDelete
  35. ඔයාගෙ ඇඩ් කවි ගැන ඇඩ් එකක් දැම්ම මට ඇහැක් විදියට

    http://apoorumal.blogspot.com.au/2016/02/blog-post_9.html

    ReplyDelete
  36. මේ පෝස්ටුව මං දැක්කේ පෙරේදායි
    මේ පෝස්ටුව කියවූයේ මං ඊ්යේ යි
    කමෙන්ට් එකක් දා යන්නට බැරි වූවයි
    කමෙන්ට් එකක් දාන්න හැකි වුනේ අදයි

    සුරංගයගෙ නිරික්ෂණය පට්ට පටයි
    ඒක මං හරියටම දැක්කේ සිව්වෙනිදයි
    ඉරුරැස් නාන උස්සවයක් ගැන කිව්වයි
    ඌ කිව් කතා අහලා මට තාම හිනයි

    ReplyDelete
  37. TV parana adduth mathak unaa.
    Zrangage kavi tikath lassanai...

    ReplyDelete
  38. ලස්සන කවි පෙලක් අමුනා හෑල්ලට
    ගෙදර දොරේ අද සිදුවන දේ එමට
    ගෙනහැර පා ඇත මෙහි අද හොඳ යසට
    අදමයි මයෙ හිතේ ආවේ හෑල්ලට

    ReplyDelete
  39. සූරිය දියණියලු අළුතින් පෙන්නන්නේ
    ජාතිකෙ එවුන් කටපත ඇදලා බෑවේ
    ඉස්සර කොරපු වැඩ අපෙ සිහියට ආවේ
    උඹ මල එක හොඳයි විගසින් ටයි මාමේ

    කාටුන් ආතල්ය සිරසෙන් හඬ කවනා
    භාසාවත් හොඳය නාකින් හට බලනා
    හර සුන් පුස් දේය ඒවත් කිති කවනා
    ඔලුවට මුකුත් නෑ පොඩි උන් රැප් කියනා

    ඇඩ් ටික හොඳයි නාටකයට වඩා මට
    ටැක් ටික් බලා ආතල් එක ගත්ත හැක
    බලධාරින් හිතන දේ හොඳහැටි පැහැදිලිය
    අමන මරි මෝඩ පොදු ජනයා අපය

    ජයවේවා..!!

    ReplyDelete
  40. පැගිරි විසේ වෙළද දැන්විම යද්දිනම් කොහෙහිටියත් පැනගෙන ටීවීයෙක ඉස්සරාට එන්නෙ ඈ (තිත්දෙකයි කැපිටල් ඩී)

    ReplyDelete
  41. හත්තිලව්වක් නොවැ ශ්රංග ළමයෝ, යකෝ ඔය කොම්පීතරේ ගොඩදාල දෙන්න ඇහැක් එකෙක් නැද්ද අම්මපා ලංකාවේ.කොයි තරම් නම් පාඩුවක්ද අප්පා . (උඹට නෙවෙයි අපට).

    ReplyDelete
  42. නෙලුම් යායෙන් වත් අරන් දෙන්න වෙනවා. හරිම අසාධාරණයි.

    ReplyDelete